Jean Epstein

A obra de Jean Epstein (1897-1953) ofrece un amplo espectro das facultades formais da sétima arte: velocidades, duracións, formas plásticas, narrativas e descritivas. Cos seus inicios nas vangardas dos anos vinte do século pasado, Luis Buñuel traballou como o seu asistente n'A caída da casa Usher (1928), o seu primeiro gran éxito e o que está considerado o cumio do seu cinema. Admirador de Abel Gance, do cinema soviético e do expresionismo alemán, a súa obra foi pasando por distintas etapas ata asentarse nun período de plena madurez na Bretaña francesa, onde captura a vida desta rexión a través de distintas curtametraxes. O domador de tempestades (1947), presentada no festival de Cannes, é a máis destacada delas.